مقادير الكريب : نصف لتر حليب ، 400 غ دقيق ، شوية من الملح و الابزار و 4 البيضات
نطربو جميع المقادير و نطيبو الكريب في مقلاة ديال الشواء اللي فيها الخطوط و نخليوهم على جانب
نحضرو البيشاميل ، 250 غ حليب ، 50 غ زبدة ، 50 غ دقيق ، حكة الكوزة ، ملح و ابزار .
في كاسرونة تدوبي الزبدة ثم الدقيق وتحركي مزيان حتى يتحمر الدقيق و تضيفي الحليب مع التحراك حتى ماينكورش الخليط و الملح و الابزار و حكة الكوزة و نخليو الخليط يعقاد و نخليوه جانبا .
* صلصة الطماطم : 2 كيلو من مطيشة حمراء مقطعة على 4 و تحيدي ليها الزريعة ، بصلة ، 2 ضروس ثومة ، قزبر و معدنوس و 1 خيزو مقطع 2 عويدات من الكرافس و نشحرو الكل فوق نار مهيلة حتى تطلق ماء ديال مطيشة .
فاش كيبان لينا خيزو طاب كنطحنو الكل في مكينة مطيشة .
ناخذو طنجرة و نعملو فيها الزيت البلدية و الزيت العادية و مطيشة الحك و الملح و الابزار و نخليوها تعقاد مزيان مزيان و نخليوه جانبا .
* حشوة الكريب "paté "
400 غ كفتة ، بالعطرية ، 4 مع كبار من البيشاميل ، 8 مع مع صلصة الطماطم ، ملح ، ابزار ، الحار و كنوضعو الكل فوق نار مهيلة حتى تحل لينا الكفتة و تطيب نصف طيبة ثم نوضعو الخليط في خلاط كهربائي و نطحنو مزيان و نخليوه يبرد .
نوضعو الكريبة الأولى و كنجي حلى للرأس ديالها و نضيف كريبة ثانية ونلصق بينهما بالبيض و ندهن بالباتي اللي حضرنا و نصففو فرماج السندويش و نطويو الالكريب بشكل رولي و نجمعوه بورق الطهي و نخليوه يبرد مدة ساعة ثم نقطعوهم دوائر صغيرة .
ناخذو مول ديال الزجاج و نوضعو فيه دوائر الكريب و فوق كل دائرة نضعو البيشاميل و الفرماج محكوك و ندخلوه للفرن 25 دقيقة على 150 درجة و يقدم مرفوقا بصلصة الطماطم و السيبوليت .
